Filluan aplikimet e Konkursit Ndërkombëtar të Pikturës për Fëmijë Memorial

21.03.2024 12:28:46

Grupi Shëndetësor Memorial, i cili beson në fuqinë pozitive dhe shëruese të artit dhe integron artin në disa procese trajtimi, organizon për të 19-tën herë këtë vit Konkursin Ndërkombëtar të Pikturës, të cilin e organizon vazhdimisht që nga viti 2006. Tema e sivjetshme e konkursit, e cila mbahet çdo vit me një temë të ndryshme dhe është e hapur për pjesëmarrjen e të gjithë fëmijëve në mbarë botën, është "I dua sportet"...

Fëmijët kombinojnë imagjinatën e tyre me sportet që duan

Konkursi i pikturës me temë "I dua sportet" këtë vit synon të aktivizojë krijimtarinë e fëmijëve, si dhe të rrisë ndjeshmërinë ndaj sportit dhe artit dhe të jetë një forcë pozitive në formimin e sportistëve dhe artistëve të ardhshëm.

Konkursi i cili ka një rol të rëndësishëm në zhvillimin mendor të fëmijëve dhe organizohet me qëllim që të bëjë të dashur artin e pikturës për nxhënësit dhe të kontribuojë në formimin e artistëve të ardhshëm; përgatitet në tri kategori të veçanta për nxënësit e nivelit parashkollor, fillor dhe të mesëm. Pjesëmarrja në konkurs është e mundur deri më 3 maj 2024 me punime të vizatuara duke përdorur bojë pastel në letër vizatimi 35cm x 50cm.

Pikturat e fëmijëve do të ekspozohen në spital për 1 vit.

Punimet (veprat) origjinale që fituan konkursin, i cili u mbajt për të rritur motivimin e fëmijëve dhe për t'i mundësuar ata të shfaqin imagjinatën e tyre, do të kenë mundësinë të ekspozohen në Spitalin Memorial Bahçelievler për 1 vit.

Ju mund të përdorni informacione të hollësishme të aplikimit në lidhje me konkursin në faqen e internetit www.memorial.com.tr.

Kushtet e Aplikimit

1. Konkursi do të mbahet në tri kategori: parashkollor, fillor dhe të mesëm.

2. Pikturat do të bëhen me bojë pastel në letër vizatimi me përmasa 35cm x 50cm.

3. Emri, mbiemri, mosha, shkolla, emri i prindit, mbiemri dhe numri i telefonit të konkurrentit  duhet të shënohen në këndin e pasmë djathtas të Pikturave. Çdo konkurrent ka të drejtë të marrë pjesë në konkurs vetëm një herë.

4. Pikturat pjesëmarrëse në konkurs nuk do t'u kthehen pronarëve. Vetëm punimet fituese mund t'u jepen pronarëve të tyre nëse kërkohet brenda 1 viti.

5. Konkurrentët mund të dërgojnë pikturat e tyre në [email protected] deri të premten, 3 maj.

6. Fituesit do të shpallen të hënën, më 13 maj në www.memorial.com.tr.

Çmimet:

Së pari: Biçikleta

Së dyti: Tablet  Vestel V Tab Z1 A 64GB 10.1'' IPS 

Së treti : Drita e zgjuar e gjumit ‘’Vestel’’

Së katërti: Kufje të bardha  për veshin e brendshëm ‘’Vestel V23 Minidots’’

Çmimi nderi: Set Edukativ për Fëmijë ‘’Akademi’’